114-гIа сурат

«Адамаш» («ан-Нас»)

(Маккахь я Меднахь доссийна, ялх аят ду)

Къинхетамечу а, Къинхетамбечу а АллахIан цIарца!

1. Ала: «ГIо лоьху ас адамийн Элера,

2. адамийн Паччахьера,

3. адамийн Делера –

4. зуламе ойланаш а туьйсуш, [АллахI хьахочу хенахь] къайладолучуьнан вонах ларвалархьама,

5. адамийн дегнаш тIе хIус дечу,

6. жинех а, адамех а долчу».

____________

«Адамаш» («ан-Нас»)

(1) ХIай, Пайхамар! Ала: «Со ларло адамийн Элаца (АллахIаца). КIелхьараволийла (я гIо) а лоьху ас Цуьнгара, шайтIано дагатуьйсу зуламе ойланаш юхатоха Ша цхьаъ ницкъ кхочуш волчу.

(2) (ГIо лоьху ас) адамийн Паччахьера (АллахIера), церан массо а гIуллакхийн урхалла лелош волчу, цхьана а хIуманехь цаьрга хьашт а воцчу.

(3) (ГIо лоьху ас) адамийн Делера (АллахIера), бакъонца Шена Iибадат дан И цхьаъ бен кхин цхьа а воцуш волчу.

(4) (ГIо лоьху ас Цуьнгара) - шайтIанан вонах ларвалархьама, адамо шегара (АллахI вицварца) ледарло ялийтича, цуьнан дагчу вон (я зуламе) ойланаш туьйсуш долчу а, АллахI хьахочу хенахь къайла (я гена) долуш долчу а,

(5) вонаш а, шеконаш а яржош долчу а адамийн дегнаш чохь,

(6) жинийн а, адамийн а шайтIанех долчу а».