111-гIа сурат

«Хурманийн диттан хьесийн муш» («ал-Масад»)

(Маккахь доссийна, пхи аят ду)

Къинхетамечу а, Къинхетамбечу а АллахIан цIарца!

1. Шен ши куьг хIаллакьхуьлда Абу ЛахIабан! ХIаллакьхили [я дакъазавели] иза!

2. КIелхьар ца ваьккхи иза цуьнан хьоло а я цо гулдиначо а.

3. Алу туьйсучу цIергахь вогур ву иза,

4. иштта цуьнан зуда а – дечиг кхоьхьуш хилла йолу.

5. Муш хир бу цуьнан логах хьаьрчина, хурманийн диттан хьесех буьйцина болу.

__________

«Хурманийн диттан хьесийн муш» («ал-Масад»)

(1) Шен ши куьг хIаллакьхуьлда Абу ЛахIабан, дакъаза а волийла иза - цо АллахIан Пайхамаре Мухьаммаде (АллахIера къинхетам а, маршо а хуьлда цунна) баланаш хьегийтар бахьана долуш. Ткъа, шеко йоцуш, билгал а даьлла-кх Абу ЛахIаб дакъазаваьлла хилар.

(2) Цхьа а гIо ца ди цунна (Абу ЛахIабна), я кIелхьара а ца ваьккхи иза я цуьнан бахамо а, я цуьнан доьзало а. Цуьрриг а АллахIан Iазапах хьалха а ца ваьккхи иза я цуьнан бахамо а, я цуьнан доьзало а, и (Iазап) цуьнга доьссинчу хенахь.

(3-4) Марсаюьйлучу цIерга гIур ву иза, иштта цуьнан зуда а, кIохцалгаш а кхоьхьуш, уьш Пайхамар (АллахIера къинхетам а, маршо а хуьлда цунна) лелачу некъа тIе охьатуьйсуш хилла йолу - цунна зендан а, бохамбан а Iалашо йолуш.

(5) Шен логах хьарчийна хурманийн диттан чIогIа шогачу хьесийн онда муш а болуш, цуьнцаний цкъа жоьжагIати чу а кхозийна, тIаккха жоьжагIатин уггаре а буха чу кхуссур ю иза (Абу ЛахIабан зуда).