110-гIа сурат

«ГIо» («ан-Наср»)

(Меднахь доссийна, кхо аят ду)

Къинхетамечу а, Къинхетамбечу а АллахIан цIарца!

1. АллахIан гIо а кхаьчча, толам а беъча,

2. хьайна нах а байча, тобанашкахь АллахIан дине боьрзуш, -

3. хастам а беш, сийлахьве хьайн Дела, гечдар а деха Цуьнга. Боккъалла а, даим тоба къобалдийрг ву И.

____________

«ГIо» («ан-Наср»)

(1) ХIай, Пайхамар! Айхьа къурайшийн керстанашна тIехь толам а баьккхича, Макка схьа а яьккхича,

(2) хьайна дуккха а нах тобанашкахь Ислам-дин тIеоьцуш а гича –

(3) и дерриге а хIуманаш кхочуш хилча, хьайн Далла дуьхьалкхета кечло хьо - Цунна хастамбарца, тасбихьдар а, иштта Цуьнга гечдар дехар а сов даккхарца. ХIунда аьлча, И (АллахI) - тоба къобалдийрг ву тасбихьдечаьргара а, гечдардоьхучаьргара а. Ишттачеран тоба къобал а до Цо, царех къинхетам а бо Цо, церан дохкобовлар, къобал а дой, тIе а оьцу Цо.