106-гIа сурат

«Къурайшаш» («ал-Къурайш»)

(Маккахь доссийна, диъ аят ду)

Къинхетамечу а, Къинхетамбечу а АллахIан цIарца!

1. Къурайшийн бертан дуьхьа!

2. Церан цхьа барт хилира шайн некъашлахь - Iаьнан а [Йемене боьлхуш], аьхкенан а [Шема боьлхуш].

3. Лолла дойла цара хIокху ЦIийнан [КаIбин] Далла,

4. мацаллехь шаьш бузийначу, кхерамах шаьш хьалхабаьхначу.

__________

Тафсир

(1-2) Тамаш бе аш къурайшин бартах а, церан уьйрах а, цаьргахь йолчу маршонах а, церан хьелаш а, гIуллакхаш а цхьанаэшшара дIанисделла латтарх а. Иштта (тамаш бира аш) церан новкъабийларш цхьана низаме хIиттина хиларх а: Iай – Йемене боьлхуш, аьхка – Шема боьлхуш. И дерриге а царна атта дина хиларх а - цигара шайна оьшург даийтархьама.

(3) Шукар дойла цара, Iибадат а дойла цара хIокху цIийнан - КаIбин Далла, и бахьана долуш шаьш сийлалле кхаьчна долчу. АллахI цхьаъ а войла цара, Iибадат а Цунна цхьанна дойла цара,

(4) чIогIачу мацаллех шаьш кIелхьар а даьхна, дузийна волчу, боккхачу кхерамах шаьш хьалха а даьхна, шайна маршо елла волчу.