105-гIа сурат

«Пийл» («ал-Фийл»)

(Маккахь доссийна, пхи аят ду)

Къинхетамечу а, Къинхетамбечу а АллахIан цIарца!

1. [ХIай, Пайхамар!] Ца го хьуна хьайн Дала пийлан дайшна динарг?

2. Церан мекарло йоха ца йира Цо?

3. ЖIуганашкахь олхазарш а ца хийцира Цо царна тIе?

4. Кхийра тIулгаш кхийсира цара царна тIе.

5. [Хьайбанаша] тIера гIаш а диъна, дакъаделлачу кенан ораматех тарбира цара уьш.

___________

Тафсир

(1) ХIай, Пайхамар! Хьуна ца хаьа, хьай Дала пийлан дайшна динарг - Хьабашерчу АбрахIатна а, цуьнан эскарна а, беркате КаIба дохон лаам хилла баьхкинчу?

(2) Цара кечдина хилла вон а, цара дагалаьцна хилла зен-зулам а дохийна, хIаллакдина дIа ца даьккхира Цо?

(3-4) Царна тIе олхазарш хийцира Цо, тIаьхьий-хьалхий жIуганашкахь, царна тIе чIагIделла, саз-лаьттах хилла тIулгаш а кхуьйсуш.

(5) Цара (олхазарша) тIекхийсинчу тIулгаша цистина, бохийра уьш (пийлан дай), дакъаделлачу кенан ораматийн гIаш санна, хьайбанаша Iийша а Iийшина, охьакхийсина долу.