Жоп: 

Ламазе веаначунна могIа буьзна карийча, шеца могIане дIахIотта цхьаъ валлалц ларвийр ву цо, могIанехь лаьттачарех цхьа а тIехьа а озор вац.

Нагахь шена могIанна юккъе хIотта, я имаман аьтту агIор хIоьттина ламаз дан йиш йолуш хилахь – и дийр ду цо.

Берашца цхьа могIа барах дерг дийцича, нагахь уьш гIеметта хIиттина делахь, ткъа цаьрца цхьа могIа бар нийса ду.

Шина а «Сахьихь» жайнахь а, кхечу жайннашкахь а хьадис ду. Анаса (АллахI реза хуьлда цунна) аьлла:

«…Цунна тIехьа аса а, боберо а могIа бира, ткъа йоккхастаг тхуна тIехьа хIоьттина яра». 

Вуьшта аьлча: цигахь вуьйцург АллахIан элча (АллахIера къинхетам а, маршо а хуьлда цунна) ву, зуьхьа хенахь иза церан цIа зихIарте вахча.

Нагахь уьш гIеметта хIиттина бацахь, ткъа цуьнан хьукма - могIанна тIехьа ша а хIоьттина ламаз деш волучуьнан доллу хьукма ду. МогIанна тIехьа ша а хIоьттина диначуьнан ламаз нийса дац.

Пайхамара (АллахIера къинхетам а, маршо а хуьлда цунна) аьлла:

«Ламаз дац могIанна тIехьа ша а хIоьттина диначуьнаниг».

ГIодар - АллахIехь ду.

АллахIан къинхетам а, маршо а хуьлда вайн пайхамарна Мухьаммадана, цуьнан доьзална а, цуьнан асхьабашна а!

Iилманан талламашна а, фатва даларна а кхоьллина, хаддаза болх дIахьуш йолу Iеламнехан комитет:

Iабдул-Iазиз бин IабдуллахI бин Баз - комитетан куьйгалхо,

Iабдур-Раззакъ Iафифи - комитетан куьйгалхочуьнан меттаниг,

IабдуллахI бин ГIадйан - комитетан декъашхо,

IабдуллахI бин КъаIуд - комитетан декъашхо.

Гочдинарг – Турпалан кIант Фарукъ