50. Iайшата (АллахI реза хуьлда цунна) дийцина, Пайхамара (АллахIера къинхетам а, маршо  а хуьлда цунна) элира аьлла: «Нагахь ламазна дина къамат делахь, охьадиллина кийчча пхьор а делахь - пхьор даарна тIера дуьйлало хьалха».

Изза чулацам болу хьадис Iумара а дийцина (АллахI реза хуьлда цунна) (ал-Бухари: 5465, Муслим: 557).

51. Iайшата (АллахI реза хуьлда цунна) дийцина, АллахIан элчано (АллахIера къинхетам а, маршо а хуьлда цунна) олуш хезна шена аьлла: «Ламаз (дан дезаш дац стага) - юург охьайиллина кийча йолуш а, (жима а, доккха а аравахар гIуллакхна) къийлалуш велахь а» (Муслим: 560, Абу Дауд: 89).