54. Жабир бин IабдуллахIа (АллахI реза хуьлда цаьршинна) дийцина: «Хандакъехь тIом хиллачу денойх цхьана дийнахь Iумар бин ал-ХаттIаб (АллахI реза хуьлда цунна), малх чубуьзиначул тIаьхьа (бусалба нехан лагере) а вирзина, Къурйашин гаурашна лен вуьйлира. Цо элира: «ХIай, АллахIан элча! Малх ана тIехьа къайлабала герга бахча а бен малхбузан ламаз дан ца ларий-кха со!». Пайхамара (АллахIера къинхетам а, маршо а хуьлда цунна) аз а айдина элира: «АллахIах чIагIо ма йо аса: аса а ма дац и дина а». Цул тIаьхьа цхьаьний БутIхьане дахара тхо. (Пайхамара (АллахIера къинхетам а, маршо а хуьлда цунна)) ламаз ийцира. Иштта оха массара а ийцира ламазаш. Ткъа малх чубуьзначу хенахь цкъа хьалха махбузан ламаз дира цо, ткъа цул тIаьхьа – маьркIажан ламаз дира» (ал-Бухари: 596, Муслим: 631).