58. IабдуллахI ибн Iумара (АллахI реза хуьлда цаьршинна) дийцина, Пайхамара (АллахIера къинхетам а, маршо а хуьлда цунна) элира аьлла: «Нагахь шун зударша маьждиге бахка шайгара бакъо ехахь - сеца ма белаш уьш». ХIетахь Билал ибн IабдуллахIа элира: «АллахIах чIагIо ма йо аса, билггал, дуьхьал хир ма ду тхо уьш цига бахкийтарна». ТIаккха, цунна тIе а вирзина, IабдуллахIа дукха буьрса дов дира цунна. Цул хьалха цкъа а оцу кепара цо дов деш суна хезна а дацара. Цо элира цуьнга: «Со ву хьоьга, АллахIан элчано (АллахIера къинхетам а, маршо а хуьлда цунна) элира бохуш, дуьйцуш воллуш, ткъа хьо ву «Билггал, дуьхьал хир ма ду тхо уьш цига бахкийтарна» бохуш?!».

Муслиман ривайатехь аьлла: «…АллахIан лайш сеца ма бойла аша - Цуьнан маьждигашка бахкарах» (ал-Бухари: 873, Муслим: 442).