59. IабдуллахI ибн Iумара
(АллахI реза хуьлда цаьршинна)
дийцина: «АллахIан элчанца (АллахIера къинхетам а, маршо а хуьлда цунна)
цхьаьна ламаз дар нисделира
сан: делкъан (ламазал) хьалха ши ракаIат, цул тIаьхьа ши ракаIат, иштта рузбанан (ламазал) тIаьхьа ши ракаIат, маьркIажан (ламазал) тIаьхьа ши ракаIат, пхьуьйран (ламазал) тIаьхьа ши ракаIат (Бухари: 627, Муслим: 729).
Кхечу ривайатехь аьлла: «Ткъа
маьркIажан ламазан (суннат), пхьуьйран ламазан (суннат), рузбанан ламазан
(суннат) – шен цIахь дора цо».
60. Iайшата (АллахI реза хуьлда цунна) дийцина: «Пайхамара (АллахIера къинхетам а, маршо а хуьлда цунна) цхьана а тIедечу ламазна сел башха терго ца йора - Iуьйра ламазал хьалха дечу шина ракаIатана санна».
Муслиман ривайатехь иштта аьлла: «Сахуьллуш деш долу ши ракаIат (суннат-ламаз) гIолехь ду - дуьненан
дахарал а, оцу чохь мел йолучу исбаьхьаллел а» (ал-Бухари: 1169,
Муслим: 94,725/724).
