100. Анаса ибн Малика (АллахI реза хуьлда цунна) дийцина: «Пайхамара а (АллахIера къинхетам а, маршо а хуьлда цунна), Абу Бакара а, Iумара а (АллахI реза хуьлда цаьршинна) шайн ламаз «Хастам бу АллахIна, Iаламийн Дела волучу!» («Алхьамду лиллахIи роббил Iаламийн!») бохучу суратна тIера дIадоладора».

Кхечу ривайатехь аьлла: «Абу Бакарца а, Iумарца а, Iусманца а ламазаш дина аса. Царех цхьаммо а «Къинхетамечу, Къинхетам бечу АллахIан цIарца!» («БисмиллахIир-рохьманир-рохьим») олий, бисмалла доккхуш хезна дац суна». 

Муслиман ривайатехь аьлла: «Сан ламазаш дар нисделла Пайхамарца а (АллахIера къинхетам а, маршо а хуьлда цунна), Абу Бакарца а, Iумарца а, Iусманца а. Цара шайн ламазаш «Хастам бу АллахIна, Iаламийн Дела волучу!» («Алхьамду лиллахIи роббил Iаламийн!») бохучу суратна тIера дIадоладора, я «Фатихьат» суратна хьалха а, я цунна тIаьхьа а «Къинхетамечу, Къинхетам бечу АллахIан цIарца!» («БисмиллахIир-рохьманир-рохьим») аьлла, бисмалла а ца доккхуш» (ал-Бухари: 743, Муслим: 399).