146. Абу Муса ал-АшIарис (АллахI реза хуьлда цунна) дийцина: «Малх лаьцначу хенахь, хIоьттинарг къематде хиларна кхеравелла, (ша Iачуьра) хьалагIаьттира АллахIан элча (АллахIера къинхетам а, маршо а хуьлда цунна). ТIаккха, маьждигна чу а вахана, ламазаш дан хIоьттира иза. Суна цул хьалха цкъа а гина а дацара, цо сел веха ирахь а лаьтташ, (сел веха) рукуIашкахь а, сужудашкахь а сеца а соьцуш, ламазаш деш. (Цул тIаьхьа) цо элира: «Сийлахь-Везачу АллахIа вайна йохкуьйтуш йолу хIара билгалонаш я цхьа а валар, я цхьа а дуьненчу валар бахьанина хила йиш йолуш яц. АллахIа йохкуьйту уьш - оцу (билгалонехула) Шен лайшна дегнаш чу кхерам таса. Цундела, царех цхьаъ шайна гича, АллахI хьехаве каде, Цуьнга доIанаш де, Цуьнга гечдарш деха» (ал-Бухари: 1059, Муслим: 912).