25-ГlА ДАКЪА 

[ШИНА IИЙДАН ЛАМАЗ] 

Шина Iийдан ламазаш дар чIагIдина суннат ду. Ткъа, и (ламазаш) шишша ракаIат дан дезаш ду. Хьалхарчу ракаIатехь ворхIазза «АллахIу акбар» ала деза, (ламаз) доьхкучу хенахь олуш долу «АллахIу акбар» ца лоруш. ШолгIачу ракаIатехь пхоьазза ала деза «АллохIу акбар», хьаланислучу хенахь олуш долу «АллахIу акбар» ца лоруш. (Iийдан ши ламаз диначул тIаьхьа) ши хутIба дийра ду. Хьалхарчу (хутIбанехь) уьссаза «АллахIу акбар» ала деза, ткъа шолгIачуьнгахь ворхIазза «АллахIу акбар» ала деза.

(Мархин) Iийдан буса малх чубуьзначул тIаьхьа дуьйна имамо Iийдан ламаз дехккалца йолчу юккъехь акбар бахар (суннат) ду.

Ткъа гIурбанан Iийданехь а (суннат) ду парз-ламазашна тIаьхьа акбар бахар, Iарафат дийнан Iуьйра-ламазна тIера долийна, Iийдан денойн тIаьхьарчу (доьалгIачу) дийнан малхбуза-хене кхаччалца.