147-гIа дакъа
Дийна виса сатуьйсийла яйначо ала дезарг
911. Iайшата (АллахI реза хуьлда цаьршинна) дийцина: «Пайхамара (АллахIера къинхетам а, маршо а хуьлда цунна), сайна тIетевжина а волуш, олуш хезна суна: «Я, АллахI, гечдехьа суна, къинхетам бехьа сох, лакхарачу накъостех (юкъараллех) дIа а тохахьа со!» («АллахIуммагIфирли, вархьамни, ва алхьикъни биррафикъил аIла!»)[1] (Бухари: 5674, Муслим: 2444).
912. Iайшата (АллахI реза хуьлда цунна) дийцина: «Валарчу вирзина АллахIан элча (АллахIера къинхетам а, маршо а хуьлда цунна) гира суна, уллохь хи чохь кад а болуш, шен куьг оцу кеда а дохуьйтий, тIаккха (и тIеда куьг) шен юьхьа тIе а хьокхуш. Циггахь олура цо: «Я, АллахI, валаран хало (Iовша) а, леш ийзош долу синош (лан) а гIо де Ахьа суна!» («АллахIумма аIинни Iала гIамаратил мовти ва сакаратил мовти!») (Тирмизи: 978).
[1] Кхузахь «аррафикъул аIла» бохучух лууш дерг - я АллахIана уллохь хилар ду, хIунда аьлча Цуьнан цIерех цхьаъ ю Рафикъ, я Далла герга долу малекаш, пайхамараш, шахIидаш, дика нах а бу. Юсупа (Делера маршо хуьлда цунна) ма-аллара: «Дикачу нахах дIатоха Ахьа со».
