Ислам-дино бусулба умматна кховдийна дикачуй, сийлахьчуй, ладамечуй гIуллакхех цхьаъ ду-кх, берашца хилаезачу ерриг юкъаметтигашна те йоккха терго яхийтарца кхетош-кхиоран ша-тайпа нийса бакъонаш кхетийна хилар а, бер кхетош-кхиорах мел доьзна долу ладаме баххаш довзийтина хилар а. ХIунда аьлча, цу кепара берашца хила еза юкъаметтигаш къастош кхеторой, кхиоран ладаме баххаш довзийтарой хIор кхетош-кхиорхочунна а, дайшна-наношна а таро лур ю, берийн хьокъехь шена техь мел долу кхетош-кхиоран декхарш дан ма-деззара кхочушдан… ткъа, шен белшашна тIехь кхетош-кхиоран декхар долчунна мел боккха аьтто бу-кх, шена техь долу кхетош-кхиоран декхар исбаьхьачу куьцара кхочуш дан а, доьзал кхиоран некъаш практике даха а Ислам-дино хьехначу баххашний, шен суьртан амалийн башхаллаш кхетош-кхиоран сирла некъ дуьххьара гайтинчу Делан элчаний, Аллахера къинхетам а, маршо а хуьлда цунна, баххашна техь!!.

ХIан, хIинца схьаягар ер вай шуна, кхетош-кхиорхоша а, дайш-наноша а бер дуьненчу ма дели, лело езаш йолу цхьацца бакъонаш:

Берана цIе тиллар а, цуьнан бакъонаш а

Массара а тIеэцначу юкъараллин Iадатех цхьаъ ду - бер дуьненчу даьлча, дас-нанас оцу цIарца цуьнга кхайкхича я цуьнан и цIе яьккхича, массарна а иза девзан долу цIе тиллар. Ислам дино чIогIа тидаме эцна берана цIе тилларан гIуллакх. Берана цIе тиллар коьрта а, ладаме а хилар гойтуш йолу бакъонаш хIиттийна Ислам дино - берийн хьокъехь мел оьшуш дерг а, цуьнан сий-ларам айбан мел дезаш дерг а, бераш кхетош-кхиораца уьйр мел ерг а бусалба умматана довзийтаран дуьхьа.

КхиндIа вай йийцаре йийр ю - берашна цIераш тахкарехь ларъян езаш йолу Ислам дино охьаехкина бакъонаш.

Дешахьалхе

Хастам бу АллахIана, Iаламаш кхоьллина волучу, кхобуш-кхиош волучу!

АллахIера салам-маршалла хуьлда, Iаламех а къаьстийна, адамех къинхетам а бина, дикане кхойкхуш, вониг доьхкуш, ирс дохьуш ваийтиначу вайн пайхамарна Мухьаммадна!

Хьоме бераш! ХIара «Пайхамаран ишкол» цIе йолу жима жайна шуна лерина кечдина оха, хIокху жайнин гIоьнца шуна довзийта: АллахI а,Цуьнан элча волу Мухьаммад а муха веза веза а, муха лара веза а; нахаца муха хила веза а, хьарам-хьанал муха къастон деза а; да-нана,йиша-ваша, гергарнаш муха лара беза а. Боккъал а бусалба муха хила веза а Iамадо хIокху жайно.

Дешахьалхе

АллахIан цIарца дIадоладо вай хIокху жайнах пайда эцар!

Хастам бу АллахIана - Iаламийн Дела волучу, хIаваэрачу олхазаршна рицкъаш латтош волучу, хичуьрачу чIерашна рицкъаш латтош волучу, лаьттах дохкучу гIорасизачу нIаьнешна рицкъаш латтош волучу, дийнаташна рицкъаш латтош волучу, дерриге а Iаламаш кхобуш-кхиош волучу!

Аса тоьшалла до АллахI воцург кхин дела цахиларца. Ша цхьаъ ву И, Шеца цхьа а накъост воцуш.

ХIай Адаман тIаьхье! Гергара нах багарбеш бу хьуна, хьан цаьрца гергарлонийн а, тайпанийн а уьйраш мел ерш. ТIаьхьа йогIучу рогIехь нисбер вай уьш: дай, наной, ден дай, ден наной, вежарий, йижарий, ден вежарий, ден йижарий, вешийн бераш, йишийн бераш, ден вежарий, ненан вежарий, цул тIаьхьа вогIу гергаралонехь юх-юххера вверг а. 

ШарIо «гергарнаш» аьлла цIе яккхаран ши бахьана ду: