Я АллахI! Хьайн дикане сатийсар таса Ахьа тхан дегнаш чу. Хьо воцучуьнгара дикане сатийсарх хьалхадаха Ахьа тхо - Хьайн дикане бен тхоьга са ца тийсийта.

Я АллахI! Хьоьга сатуьйсуш мел ду хIаллак хир дац-кха тхо! Я АллахI! Хьоьга сатуьйсуш мел ду хIаллак хир дац-кха тхо! Я АллахI! Хьоьга сатуьйсуш мел ду хIаллак хир дац-кха тхо!

Iалашде Ахьа тхо Хьайн даима семачу бIаьргаца, хIай массо латкъам хезаш верг! ХIай къайлах ден къамел хууш верг! ХIай тхан бала дIаайбеш верг! ХIай тхан кхайкхам хезаш верг! ХIай тхан доIа хезаш верг! ХIай тхан бIаьрхишца къинхетаме верг! ХIай тхан гIалаташна къинтIера волуш верг!

ХIай ширачу Хьаж-цIийнан Дела! Тхуна а, берриге а бусалба нахана а тIера дIаяккха Ахьа къоьлла а, готте а. ХIай ширачу Хьаж-цIийнан Дела! Тхуна а, берриге а бусалба нахана а тIера дIаяккха Ахьа къоьлла а, готте а. Тхуна а, берриге а бусалба нахана а тоам болуш хилийта Ахьа тхайн ницкъе хьаьжжина оха деш дерг а, и дан тхан ницкъ ца кхаьчна дерг а. 

Я АллахI, тхан Дела! Тхо а, массо бусалба нах а хьалхабаха Ахьа массо баланех а, сингаттамех а. Хьалхадаха Ахьа тхо массо гIайгIанех а, баланех а.

ХIай сингаттам дIаайбеш верг! ХIай гIайгIа дIайоккхуш верг! ХIай сингаттам дIаайбеш верг! ХIай гIайгIа дIайоккхуш верг! Х1ай дог1а доссош верг! ХIай гаттонехь волучуьнан доIанна жоп луш верг! ХIай дерриге зен-зулам а, бала а дIаайбеш верг! ХIай массо къайла даьккхинарг а, хьулдинарг а хууш верг!

Йоьху Хьоьга герггарачу хенахь бусалба нахана паргIато, балех хьалха бахар. Йоьху Хьоьга герггарачу хенахь бусалба нахана паргIато, балех хьалха бахар, гIийлачарна хаза собар а.

Я АллахI! Йоьху Хьоьга массо Исламан кхайкхамхошна а, бусалба кегийрахошна а массо сигаттамах маршо, массо гаттонера паргIато, массо баланера кIелхьара бовлу некъ, хIай цкъа а чекх ца долуш дика деш верг, хIай ниIматийн да верг – цкъа а чот ца ялуш долчу.

Я АллахI! Йийсархо шен доьзалца вовшахтоха Ахьа. Я АллахI! Йийсархо шен доьзалца вовшахтоха Ахьа. Дезачу денца гIадбахар, хазахетар, баккхийбар а Iовшийта Ахьа цаьрга цхьаьна. Я АллахI! Йийсархо шен доьзалца вовшахтоха Ахьа. Дезачу денца гIадбахар, хазахетар, баккхийбар а Iовшийта Ахьа цаьрга цхьаьна.

Я АллахI! Йийсарехь верг шен гергарачарна тIе вухаверзаве Ахьа, лаьцнарг шен безначарна тIе вухаверзаве Ахьа. Я АллахI! Йийсарехь верг шен гергарачарна тIе вухаверзаве Ахьа, лаьцнарг шен безначарна тIе вухаверзаве Ахьа. Iийдан деношкахь а, буьйсанашкахь а ирсе бе Ахьа уьш, самукъане бе Ахьа уьш, хIай къинхетаме верг!

Я АллахI! Куьйгалхой а, дин кхайкхорхой а, цхьаьна а тохий, берта бига Ахьа Хьайна дезаш а, Хьо резаволуш а долчу хIуманна тIехь. Шайн кIужалш а лаций, диканна а, Хьайха кхерарна а тIебига Ахьа уьш, хIай къинхетаме верг! Х1ай гIо лоьхучарна Хьайгахь лочкъийла ерг! ХIай воккхаллин а, сийлаллин а Да!

Я АллахI! ХIай гIоране верг! ХIай нуьцкъала верг! Х1ай Хьайна луъург деш верг! ХIокху Iаламчохь муьлххачу а меттехь Хьайн дикачу лаьшна зедина верг - шен йозанашца, я шен дешнашца, я шен гIуллакхашца, я шен ойланца.

Я АллахI! Нагахь Хьо цунна, нийсачу новкъа а ваьккхина, дика лууш вацахь, тIаккха  цуьнан меженаш энашка лацийта Ахьа, мотт сацабе Ахьа цуьнан, цуьнан дахар дохаде Ахьа, хаддаза къоьлла латтае Ахьа цуьнгахь, питанийн новкъа ваккха Ахьа иза.

Я АллахI! Шен садеIар гатде Ахьа цунна, сийсазаллин духар доха Ахьа цунна тIе, шен гергаранаш а, шен хехой а тIехьеха Ахьа цунна, хIай лаьттарачу а, я стигларачу а цхьанне хIумано Хьо гIорасиз ца веш верг! ХIай массо хIуманна тIехь ницкъ кхочуш верг! ХIай массо хIума хаарца Хьо го лаьцна верг!

Я АллахI! Бусалба нехан кегийра нах тобе Ахьа. Иманца а, Хьайх даггара тешарца а дегнаш дуза Ахьа церан. Бусалба динна тIетовжийла а, ницкъ а бе Ахьа уьш.