3. lабдуллахl ибн Бусра (Аллахl реза хуьлда цунна) дийцина, (цкъа) цхьана стага хаьттира: «Хlай, Аллахlан элча, боккъала а, исламан тlедахкарш дуккхе-дукха ду суна, хlан, цундела цхьаъ дийцахь суна, чlогlа со тlегlертан волу». (Цунна дуьхьал пайхамара, Аллах1ера салават а, салам а хуьлда цунна) элира: «Гlелцалуш дела хьехавойла хьан матто». (Ат-Тирмизи: 3372, цо «дика хьадис ду аьлла хlара»).

4. Абу Муса ал-АшIарийс (АллахI реза хуьлда цунна) дийцина, АллахIан элчано (АллахIера салават а, салам а хуьлда цунна) элира аьлла: «Шен Дела хьехош волу (стаг а), шен Дела ца хьехош верг а - дийначух а, веллачух а тера ву» (Ал-Бухари: 6407). 

5. Абу Хlурайрас (Аллахl реза хуьлда цунна) дийцина, Аллахlан элчано (Аллахlера салават а, салам  а хуьлда цунна) элира аьлла: «Аллахlера эшам хир бу, миччахьа а цхьанхьа охьа хиъча, цигахь сийлахь-веза Аллахl ца хьахийначунна а, иштта Аллахlера эшам хир бу, сийлахь-веза Аллахl а ца хьахош миччахьа а цхьанхьа д1авижинчунна а». (хlара хьадис дика иснад ягаръеш далийна Абу Дауда: 4856).

Оцу хьадисехь дуьйцу «Тира» бохучу дешан маьlанехь  ду – «эшам» а, «жоьпалла» а, «дакъазалла» а.