46. Жабир ибн IабдуллахIа (АллахI реза хуьлда цаьршинна) дийцина, АллахIан элчано (АллахIера къинхетам а, маршо а хуьлда цунна) олуш хезна шена аьлла: «Стага шен хIусаме чу волуш а, ша хIума юуш а Сийлахь-Веза АллахI хьахавахь, шайтIано олу (шен накъосташка): «Буьйса йоккхийла а яц шуна (кхузахь), я пхьор а дац шуна». Нагахь, ша чуволучу хенахь Сийлахь-Веза АллахI а ца хьахош чу ваханехь, шайтIано олу: «Буьйса йоккхийла хили шуна». Ткъа цо ша хIума юуучу хенахь а ца хьахавахь Сийлахь-Веза АллахI, шайтIано олу: «Буьйса йоккхийла а, пхьор а хили шуна»» («Муслим»: 20I8). 

47. Анаса (АллахI реза хуьлда цунна) дийцина: «(Цкъа) АллахIан элчано (АллахIера къинхетам а, маршо а хуьлда цунна) соьга элира: «ХIай, кIант! Хьо (хIусаме вирзича,) хьайн доьзале салам ло - беркат хир ду хьуна цуьнах хьуна а, хьан доьзална а»» («Тирмизи»: 2699, цо аьлла хIара хьадис «хьасан, сахьихь» даржехь ду).