Оцу хьадисан кхеча ривайатехь, иза а иштта ша цхьана Муслима далош долу, дийцина, Аллахlан элчано (Аллахlера къинхетам а, маршо а хуьлда цунна) элира аьлла: «… буьйсанан ах я кхаа декъах шиъ чекхъдаьлча…».  (ал-Бухари: 1145, Муслим: 758).

42. lамр ибн lабаса (Аллахl реза хуьлда цунна) дийцина, пайхамара (Аллахlера къинхетам а, маршо а хуьлда цунна) олуш хезна шена аьлла: «Дела, (Шен) лайна уггаре гергах хуьлуш йолу хан, буьйсанан тlаьхьара декъан юкъ ю, ткъа, нагахь оцу хенахь сийлахь-веза Аллахl хьехочех хила хьайн ницкъ кхачахь, хила хьо». (ат-Тирмизи: 3579, ан-Насаи: 572).

43. Жабир ибн Iабдуллахlа (Аллахl реза хуьлда цаьршинна) дийцина, Аллахlан элчано (Аллахlера къинхетам а, маршо а хуьлда цунна) олуш хезна шена: «Боккъала а, буьйсана цхьа хан ю, (оцу хенахь) бусулба стага сийлахь-везачу Аллахlе муьлхха а тайпа дуьненан я эхартан дика дехахь, Аллахlа, цунна иза даланза ца дуьтуш, ткъа иза  - хlор буса (хуьлуш) ду». (Муслим: 757, Ахьмад: 3/313, Ибн Хьиббан: 6/301).