сан нана йоцчунна (берриг) нахана вицвелира со, цхьаммо а ла ца дуьйгIира соьга сан нана йоцчо,
(дерриг) дуьне хийцаделира суна сан нана йоцург, Я, АллахI (Iалелай) (дуй бууш), ва, сан нана: масане хьайн беснеш бIаьрхишца йилира (йашийра) ахь со некъа ваьлча,
масане буьйса туьдуш яьккхира ахь со гучар ваьлча,
масане хьайн г1ан-набаран (синтемана) Iодика йира ахь со цомгуш хиллачу дийнахь.
Я, АллахI (Iалелай), ва, сан нана: со некъара юхавирзича лаьтта хьо неIаргахь со ларвеш, бIаьргаш бIаьрхиша а дашош (дукха) хазахетарна,
ткъа неIарх со араволуш, лаьтта хьо соьца Iодика еш, гIайгIане тIадамаш эгочу дагца,
Я, АллахI (Iалелай) ва, сан нана: пIендарш юккъахь лелийна-кх а со Iазапе, лазаме деношкахь, мехьарца, узаршца охьа а виллина-кх ахь со, мара а къевлира-кх ахь со берташ дохуш а, къежарца а.
АллахI (Iалелай) : хIай, сан нана: цкъа а наб ца кхета-кх хьуна наб сан бIаьрг нIегIар долче хьажа-хIотта ялалца, я цкъа а са ца доIу ахь соьга самукъа далалца,
со вела къежча йоьлу хьо хьайна бахьана хIун ду ца хуушехь,
со гIайгIане хилча йоьлху хьо хилларг хIун ду а ца хуушехь,
соьгар гIалат далале кIинтIера йолу хьо, со дохко валале геч дина хуьлу хьо, ас къинтIера ялар дехале къинтIера яьлла хуьлу хьо.
Я, АллахI (Iалелай) ва, сан нана: со хастийнарг бакъ во-кх ахьа, цо сох дерриг адаман имам вахь а, цIинбелла бутт бахь а,
суна дов динарг харц во ахьа бакълоьчара мел тоьшаллаш дахь а, тешамечара и мел цIанвахь а, даим а хьо цхьаъ ю-кх сан белхан сагатдийриг, хьо цхьаъ ю суна гIайгIане ерг.
Я, АллахI (Iалелай): со бу-кх хьан уггара боккха болх, хьан хаза дийцар, мерза сатийсам, суна дика до ахьа, ледарлонна къинтIера йолу хьо, со дукха везарна еша хьо, кхин сов (веза) а лаьа хьуна,
хIай, сан нана: давуьсийла, муьтIахьаллин бIаьрхишца хьан ши ког била, дáхаран тойнехь хьан ши кIарх такхабан,
хIай, сан нана: давуьсийла-кх, валар хьуна тIех а даьлла соьга доьрзуш делира-кх, юха а дависийла-кх бохам хоьгахьа бирзича суна тIебужуш белира-кх:
Сан Дела, гечдехьа сан дений, нанний, къинхетам а бехьа царшиннах со жима волуш царшима со кхиа ма-варра..
* Iарбоша цхьайолчу цецбовлучу хена вай «Iалелай» олучу меттана дахдеш «АллахI» олу.
Йазйинарг: Iаид ал-Кхараний
Гочдинарг: Неду-Хьусайн Мовсаран Халид
