605. Iайшата (АллахI реза хуьлда цунна) дийцина: «ДIасакъастаран хьаж дечу шарахь АллахIан элчанца (АллахIера къинхетам а, маршо а хуьлда цунна) цхьаьна Меднара арадевлира тхо. Тхоьх цхьаберш - деккъа Iумрат дихкина бара, кхинберш – хьаж а, Iумрат а цхьаьний дихкина бара, кхоалгIанаш – деккъа цхьа хьаж дихкина бара. АллахIан элчанах (АллахIера къинхетам а, маршо а хуьлда цунна) дерг аьлча, ткъа иза деккъа хьаж дихкина вара. Деккъа Iумрат дихкиначара - Макка дIакхачарца даьстира шайн ихьрам, ткъа хьаж я хьаж а, Iумрат а цхьаьнатоьхна дихкиначара - гIурбанан де тIекхаччалц дIацадаьстира шайн ихьрам» (ал-Бухари: 1562, Муслим: 1211).