293. Жабир ибн IабдуллахIа (АллахI реза хуьлда цаьршинна) дийцина: «Пайхамара (АллахIера къинхетам а, маршо а хуьлда цунна) сацам бира: валлалц пайда эца хьайна аьлла, совгIатна дIаелла йолу хIуманаш - шайна еллачарна юьсуш ю, аьлла».

Жабира (АллахI реза хуьлда цунна) аьлла: «АллахIан элчано (АллахIера къинхетам а, маршо а хуьлда цунна) магийна долу валлалц пайдаэца хIуманаш дIаялар – хIокху кепара аьлча нислуш ду: «ХIинца дуьйнна хIара хьан а, хьан тIаьхьенан а ю». Амма нагахь хIуманаш йолучо алахь: «ХIара хьан ю, хьо дийна мел ву» - ткъа и хIума, иза веллачул тIаьхьа, (йолучу дега) юхаерзон езаш ю.

Муслиман хьадисехь аьлла: «Шайн бахамаш ларбе шайна, кхоамаза а ма лелабе (уьш). Нагахь цхьамма шен бахам, валлалц пайдаэца аьлла, кхечуьнга дIалахь - схьаэцначу ден дола болуш бу иза, (схьаэцнарг) дийна волуш баьлла ца Iаш, веллачул тIаьхьа а, хIунда аьлча иза – цуьнан тIаьхьенна карабаха безаш (бахам) бу» (ал-Бухари: 2625, Муслим: 1625).