Дакъа 11: АллахI воцучуьнан дуьхьа урс хьокхучу меттехь АллахIан дуьхьа урс хьакха мегаш дац

АллахIа (Лекха ву И) аьлла:

«Оцу чохь дIа ма хIотта цкъа а: дуьххьара дийнахь дуьйнна АллахIах кхоьруш дина маьждиг хьакъ ду хьо оцу чохь дIахIотта. Нах бу оцу чохь - цIано езаш болу, АллахIана а беза - цIано лелориш» («Товбат»: 108). 

Сабит бин ад-Дахьака (АллахI реза хуьлда цунна) дийцина:

«Цкъа цхьана стага нузар (чIагIо) динера - Буанехь эмкална урс хьакха. ТIаккха ша дина нузар кхочуш дарех дерг хаьттина цо пайхмаре (АллахIера къинхетам а, маршо а хуьлда цунна). Ткъа пайхамара (АллахIера къинхетам а, маршо а хуьлда цунна) цунна дуьхьал хаттар дина цуьнга: «Керстанан цIу лаьттаний цигахь, наха цунна лолла (Iибадат) а деш?». Цо жоп делла: «ХIан-хIа». Пайхмара (АллахIера къинхетам а, маршо а хуьлда цунна) юха а хаьттина: «ЦIу-динерачара даздар диний цигахь?». Цо жоп делла: «ХIан-хIа, ца дина». ТIаккха АллахIан элчано (АллахIера къинхетам а, маршо а хуьлда цунна) аьлла: «Хьайн нузар кхочуш де ахьа, АллахIана Iеса хуьлуш (дина нузар) а, Адаман кIентан дан ницкъ ца кхочу хIуманехь дина долу нузар а кхочуш деш дац»» (хьадис дийцинарг Абу Дауд ву, цуьнан иснад цхьаьна йогIу Бухарин а, Муслиман а бехкамашца).

Гочдинарг: Турпалан к1ант Фарукъ.