21. Барамал тIех а даьккхина дикачу нехан кешнаш даздар - царех цIунаш яр ду, АллахIан метта шайна лолла деш йолу.

Имам Малика шен «МуваттIаъ» жайнахь тIаьхьадогIу хьадис дийцина, АллахIан элчано (АллахIера къинхетам а, маршо а хуьлда цунна) дийцина аьлла:

«Я АллахI! Сан кошах цIу ма е Ахьа, шена лолла деш йолу. Боккъалаъ, АллахIан оьгIазалла чIогIа чIагIъелла шайн пайхамарийн кешнех зихIарташ (маьждигаш) деш болучу нахана» (Малик, Ахьмад). 

Ибн Жарийра бийцина Суфъян ас-Соврийс Мунсурера бийцина болу, МужахIида белла Сийлахь-Везачу АллахIан къамелан (аятан) кхетам:

«Гиний шуна ал-Лат а, ал-Iузза а?» («ан-Нажм»: 19).

Цо (МужахIида) аьлла:

«Царна Iаьвнах худар кечдеш вара иза. Иза велча, цуьнан кошана тIехь лолла дан хIиттира уьш».

Уьзза дийцина Абу ал-Жавзаа а, ибн Iаббаса дийцира аьлла:

«Хьаьжошна худар кечдеш вара иза Iаьвнах».  

Ибн Iаббаса (АллахI реза хуьлда цаьршинна) дийцина:

«АллахIан элчано (АллахIера къинхетам а, маршо а хуьлда цунна) неIалт аьлла кешнашка (зихIарте) оьхучу зударшна а, царна тIехь маьждигаш дугIучарна а, къуьданаш леточарна а» (Абу Дауд, ат-Тирмизий, ан-Насаъий, Ахьмад). 

Гочдинарг: Турпалан кIант Фарукъ.