Сийлахь-Везачу АллахIа аьлла:

«…Оцу тIе, царна  хаьара - и Iамийначунна эхартахь (диканан) дакъа доцийла» («ал-БакъарахI»: 102).

Иштта Цо аьлла:

«…Уьш джибтах а, тIагIутах а тешаш бу» («Нисаъ»: 51).

Абу ХIурайрас (АллахI реза хуьлда цунна) дийцина, АллахIан элчано (АллахIера къинхетам а, маршо а хуьлда цунна) дийцира аьлла:

«Iожаллечу (хIаллаквечу) ворхI къинах ларло». Наха хаьттира: «ХIай АллахIан элча, муьлхарш ду уьш, царех лаций алахьа? Цо (АллахIера къинхетам а, маршо а хуьлда цунна) жоп делира: «Ширк; холмачалла; бакъо а йоцуш, АллахIа хьарам дина долу стаг вер; декхарна тIера ял яккхар (риба); боберийн бахам долаберзор; тIеман майданара вадар; оьздачу, цIеначу бусалба зударшна цIераш тахкар» (Бухари, Муслим, Абу Дауд, ан-Насаий).

Жундуба дийциначу хьадисехь аьлла, АллахIан элчано (АллахIера къинхетам а, маршо а хуьлда цунна) элира аьлла:

«Холмачхочунна догIу таIзар – (вортане) тур тохар ду» (Тирмизи, ал-Хьаким).

Бухарин «Сахьихь» жайнахь ду IабдахIан кIанта Бажалата дийцина хьадис:

«ХаттIабан кIанта Iумара омра арадаьккхира: «ХIора холмачхо ве - стаг а, зуда а»» (Бухари, Тирмизи, Ахьмад, Абу Дауд).

«Дийцина ду: Хьафсата, омра а дина, шена гIомалла (холмачалла) дина йолу шен гIарбаш, е аьлла, йийна хилар. Уьзза дийцина Жундубан хьокъехь а» (Малик: 2-872; мункъатIиI хьадис лоруш ду, вуьшта аьлча: иснадехь и дийциначарех цхьаъ воцуш ву).

Ахьмада аьлла:

«Пайхамаран (АллахIера къинхетам а, маршо а хуьлда цунна) кхаа асхьабера» (вуьшта аьлча: холмачхо вер кхаа асхьаба дийцина хилар хууш ду).