Бухарис шен «Сахьихь» жайнахь даладо, Къатадата аьлла тIаьхьара хьадис: «И седарчий АллахIа кхо Iалашо юьхьарлаьцна кхоьллина ду: цаьрца стигал хазайан а, тоьхна шайтIанаш чуэгон а, некъахочунна ша волу меттиг хаийта а. Кхоьча Iалашонашна царех пайда эцна верг гIалат ваьлла, хьоьгийла йоца кхоллам хир бу цуьна. Сел чIогIа цуьнга сурт а ца хIотталуш хьовзаме а дера ду и цунна» («Бухари»: [6/211]).

Къатадата къобал цадора, беттан лела меттигаш Iаморан Iилма Iамор, иштта Ибн Iуйайната а цамагадора иза. Ахьмада а, Исхьакъа а магадора беттан лела меттигаш Iаморан Iилма Iамор.

Абу Мусас (АллахI реза хуьлда цунна) дийцина: «АллахIан элчано, (АллахIера къинхетам а, маршо а хуьлда цунна), элира аьлла: «Кхаа тайпа нах ялсамане гIура болуш бац: малархо, холмачаллех тешаш верг, гергарллонаш хедош верг» (ХIара хьадис – Ахьмада: 4/399;  Ибн Хьиббана: 1380; ал-Хьакима: 4/146,  дийцина. Ал-Хьакима «сахьихь» ду аьлла. Цо бохучунна аз-ЗухIарий а реза ву).