Сийлахь-Везачу АллахIа аьлла:

«Боккъалаъ, АллахIан хIилланах лар ца бели-те уьш? АллахIан хIилланах лар ца луш хила йиш яц - дакъаза бевлла нах бен» («аI-АIраф»: 99).

Сийлахь-Везачу АллахIа аьлла:

«Шен Делан къинхетамах дог дуьллург мила ву - (нийсачу новкъах) тилларг бен» («ал-Хьижр»: 56).

Ибн Iаббаса дийцина: «(Цкъа) АллахIан элчане (АллахIера къинхетам а, маршо а хуьлда цунна) Iожаллин (даккхийрачу) къинойх лаьцна хаьттича, цо жоп делира: «АллахIаца ширк дар, АллахIан гIоне сатуьйсийла яр, АллахIан хIилланах кхера ца кхерар». 

Ибн МасIуда дийцина: «Iожаллин (даккхийрачу) къинойх уггаре ирчанаш - АллахIаца ширк дар, АллахIан хIилланах кхера ца кхерар, АллахIан къинхетамах дог диллар, АллахIан гIоне сатуьйсийла яр (ду)» (хIара хьадис Iабд ар-Раззакъа далийна).