Сийлахь-Везчау АллахIа аьлла:

«Ала: «Со а ма ду шу доллу адам. (АллахIера) хаам боссийна соьга: шун Дела – цхьаъ бен воцу Дела хилар. Шен Далла дуьхьалкхетаре сатуьйсучо - дика гIуллакхаш дойла, шен Далла санна, цхьаннена а Iибадат а ма дойла» («ал-КахIф»: 110).

Абу ХIурайрас дийцина, АллахIан элчано (АллахIера къинхетам а, маршо а хуьлда цунна) олуш хезира шена аьлла: «Сийлахь-Везачу АллахIа аьлла: «Цхьана а тайпана накъосте хьаште вац Со. Шен Iамалехь Соьца накъост нисвиначух муьлхха а - Аса дIатосуш ву иза, шен ширкаца а цхьаьна» (Муслим: 2985).

Абу СаIийда дийцина, пайхамара (АллахIера къинхетам а, маршо а хуьлда цунна) элира аьлла: «Аса дийца шуна Масихь-Дажалал а дукхаха шуна кхераме а, ирча а дерг?». Наха элира: «Дийцахьа, хIай, АллахIан элча!». Цо дийцира: «Иза – къайлаха ширк ду, иза - ламазе хIоьттиначу стага, дуьххьал дIа, шега хьоьжуш цхьаъ хаавелча, шен ламаз хаздар ду» (хIара хьадис далийна Ахьмада: 3/30, ибн Мажата: 4204).