Сийлахь-Везачу АллахIа аьлла: «…Уьш ца теша Къинхетамечух. Ала: «И – сан Дела ву, И воцург кхин дела а вац. Цуна цхьанна тIе таваккал до аса, тобанца цуьнга воьрзу со» («ар-РаIд»: 30).

Бухарин «Сахьихь» жайнахь даладо тIаьхьадогIу хьадис. 

Iелас аьлла: «Нахана уьш кхеташ дерг дийца. Цара АллахI а, Цуьнан элча а харцвойла лаьа шуна?» (Бухари: 1/I99). 

Iабд ар-Раззакъа дийцина, (Рашидан кIанта) МаIмарера, ибн ТIавусера, цуьнан дегара, ибн Iаббасера дийцира аьлла: «Цхьа стаг гира цунна цIеххьана вегавелла, АллахIан куьцех лаьцна долу пайхамаран хьадис хезначу хенахь. Аса хаьттира: «ХIун ду иза кхерориг? Кхеташ долу «мухькам» аяташ хезча - дегнаш кьаддала кийча бу уьш, хIаллакьхила а – кхин маьIна долу «муташабихI» аяташ хезча?».       

Къурайшашна хезначу хенахь, АллахIан элчано (АллахIера къинхетам а, маршо а хуьлда цунна) Къинхетамениг вуьйцуш, цара инкарло йира цунна. ТIаккха АллахIа церан хьокъехь доссийра: «…Уьш тешац Къинхетамечух …»  («ар-РаIд»: 30).