«АллахIан уггаре а хаза цIераш ю. Цаьрца кхайкха аша Цуьнга, бита аша Цуьнан цIерашца керстадеш берш. Билггал, бекхам бийр бу царна цара диначунна» («ал-АIраф», 180).

Ибн Абу Хьатима бийцина АллахIан Дешан хьокъехь ибн Iаббаса белла болу кхетам:

«Цуьнан цIерашца керстадеш берш…» - Цуьнца (АллахIаца) накъостий нисбеш (ширк деш) берш бу».

Кхин а аьлла ибн Iаббаса:

««Ал-Лат» цIе «ал-ИлахI» («дела») бохучух схьаэцна тиллина ю цара, ткъа «ал-Iузза» - «ал-Iазиз» («нуьцкъаланиг») бохучух схьаэцна тиллина ю».

Ал-АIмаша аьлла:

«Царна (АллахIан цIерашна) юкъадалош берш бу уьш - цаьрца цхьа а юкъаметтиг йоцуш дерг».