877. Са1ид ибн ал-Мусаййиба дийцина, 1умар ибн ал-Хатт1аба, Аллах1 реза хуьлда цунна, элира аьлла: «Муьлхха а цхьана стага зуда ялийначул т1аьхьа, и ялийначун цуьнца ша валар а хиллехь, ткъа, т1аккха цунна и (зуда) хьекъална тилла я проказа цамгар йолуш а карийнехь, шен цуьнца деъначу г1уллакхна дуьхьал урдо дала дог1у цо цунна, и мах цунна схьабалар оцу (зудчун хьокъехь) и 1ехийначунна т1ехь ду». (х1ара хьадис Са1ид ибн Мансура: 1/212, Малика: 2/526, Ибн Абу Шайбас: 2/4 далийна, ткъа хьадис дийцинарш теша хьакъ берш бу).

Са1ид ибн ал-Мусаййиба иштта цунах тера кхин хьадис а дийцина, Абу Т1алиба к1анта 1елас, Аллах1 реза хуьлда цунна, элира аьлла, амма кху хьадисехь т1етоьхна: «…я ч1ог1а т1едаьлла ц1ид (клитор) делахь, ткъа цуьнан майра харжам бан бакъо йолуш ву, шена лаахь йита а, ца лаахь ца йита а. Нагахь цуьнан оцале цуьнца г1уллакх леллехь, оцунна дуьхьал урдо дала дезаш ду». (Са1ид ибн Мансур: 2/4).

Са1ид ибн ал-Мусаййиба иштта дийцина: «1умара, Аллах1 реза хуьлда цунна, сацам т1еэцна, нагахь стаг ц1уралла долуш (импотент) велахь, т1аккха зуда цхьана шарахь хьоьжуш 1ен еза аьлла». (Х1ара хьадис дийцинарш теша хьакъ бу. Ибн Абу Шайба: 2/4).