Цул тIаьхьа билгалдаккха догIу, куцошка хьаьжжина хиш деа тайпа хилар:

1. ЦIена а долуш, кхин йолу хIума цIанъеш а долуш, лелор вон лерина  доцург ду, иза – цIена хи ду.

2. ЦIена а долуш, кхин йолу хIума цIанъеш а долуш, делахь а лелор вон (зене) леринарг ду, ткъа иза – малхо дохдина хи ду.

3. Шелахь цIена делахь а, кхин йолу хIума цIанъеш доцург ду, ткъа иза -  шех цкъа лелийна (пайда эцна) долу хи ду. Оцу декъах лору, шех ийна цIена хIуманаш бахьанехь (я бос, я чам, я хьожа) хийцаделларг а.

4. Нажас хи а ду, ткъа иза – шена чу нажас йоьжна шина кIудалан бараме  кхочуш доцу хи ду. Шина кIудалан бараме нислуш хилча а лору и нажас, нагахь (цу чуйоьжна нажас бахьанехь цуьнан я чам, я бос, я хьожа) хийцаделлехь.

 Ткъа шина кIудлах дерг аьлча, иза – герггарчу хьесапехь БагIдад шахьарахь лелочу дебарамашца, пхи бIе герка ю*. Ткъа иза – оцу хьокъехь дин Iилманчаша аьллачу хетаршха нийсах лоруш дерг ду.

___________ 

 * Вайн махкара дебарамашца, герггарчу хьесапехь ши бIе ялхитта литре нисло и.