790. Ибн Iаббаса (АллахI реза хуьлда цунна а, цуьнан дена а) аьлла: «Ас-СаIб ибн Жассама ал-Лайсис (АллахI реза хуьлда цунна) дийцира суна, пайхамара (АллахIера къинхетам а, маршо  ахуьлда цунна) элира аьлла: «Дихкина латтанаш АллахIан а, Цуьнан элчанан а ду, кхин цхьаьнненан а доладерза йиш йолуш а дац (уьш)» (хIара хьадис далийнарг ал-Бухари ву: 2370). 

891. Ибн Iаббаса ибн Iаббаса (АллахI реза хуьлда цунна а, цуьнан дена) аьлла: «Ас-СаIб ибн Жассама ал-Лайсис (АллахI реза хуьлда цунна) дийцира суна, пайхамара (АллахIера къинхетам а, маршо  ахуьлда цунна) элира аьлла: «Зен-зулам ма де - я хьайна а, я кхечарна а» (ХIара хьадис далийнарш: Ахьмад, ибн Мажа. ТIаьххьарачо далийна кхин а ду цуьнах терра хьадис, Абу СаIид ал-Худрис (АллахI реза хуьлда цунна) дийициначех ду аьлла. Изза хьадис Малика а далийна шен «МуваттIаъ» жайнахь, амма цо «мурсал» даржехь хьадис ду аьлла хIара).

792. Самура ибн Жундуба (АллахI реза хуьлда цунна) дийцина, АллахIан элчано (АллахIера къинхетам а, маршо а хуьлда цунна) элира аьлла: «Нагахь стага цхьаьннан а доцучу латтана гонаха керт йинехь – иза цуьнан долахь ду» (ХIара хьадис далийнарг: Абу Дауд: 3077. Ткъа Ибн ал-Жаруда: 1015 бакъ «сахьихь» хьадис ду аьлла хIара).

793. IабдуллахI ибн МугIаффала (АллахI реза хуьлда цунна) дийцина, пайхамара (АллахIера къинхетам а, маршо а хуьлда цунна) элира аьлла: «Нагахь стага гIу яккхахь - оцунна гонахара шовзткъа дол латта цуьнан ду, цуьнан хьайбанашна садаIа» (хIара хьадис далийнарг ибн Мажа ву: 2486, амма гIийла зIе а йолуш).

794. Iалкъам ибн Ваила, шен дас элира аьлла, дийцина (АллахI реза хуьлда цунна а, цуьнан дена а): «Пайхамара (АллахIера къинхетам а, маршо а хуьлда цунна) Хьадрамовтехь латта къастийра цунна» (ХIара хьадис далийнарш: Абу Дауд: 3058, ат-Тирмизи: 1381. Ткъа Ибн Хьиббана бакъ «сахьихь» хьадис ду аьлла хIара).

795. Ибн Iумара (АллахI реза хуьлда цунна а, цуьнан дена а) дийцина: «Пайхамара (АллахIера къинхетам а, маршо а хуьлда цунна) Зубайрна лаьттан дакъа къасто шена тIелаьцнера - цуьнан говр хаьхкина тIехъэккхаеллачул. ХIета, цо шен говр дIачовхийра, ткъа говр, цхьа юкъ а хадийна, сецира. Оцу меттигна тIе а вахана, кхин дIа шен шед дIаластийра цо, ткъа пайхамара (АллахIера къинхетам а, маршо а хуьлда цунна) элира: «Цуьнан шед охьайоьжначе кхаччалц долу лаьттан дакъа дIало цунна» (хIара хьадис далийнарг: Абу Дауд: 3072, амма цуьнгахь гIийла «даIиф» хьадисан билгалонаш ю).

796. Цхьана асхьаба (АллахI реза хуьлда цунна) дийцина: «Аса дакъалаьцначу цхьана гIазотехь элира пайхамара (АллахIера къинхетам а, маршо а хуьлда цунна): «Нах цхьатерра бокъонаш йолуш бу кхаа хIумангахь: дежийлехь (дишнехь), хинехь, цIарехь» (ХIара хьадис далийнарш: Ахьмад: 5/364, Абу Дауд: 3477. Ткъа хьадис дийцинарш теша хьакъ бу).