733. Абу ХIурайрас (АллахI реза хуьлда цунна) дийцина, пайхамара (АлахIера къинхетам а, маршо а хуьлда цунна) элира аьлла: «Нагахь стага нехан бахам схьаэцнехь, юхаберзо а дагахь, - АллахIа цунна тIера дIатокхур бу иза. Нагахь цо нехан бахам схьаэцнехь, хIаллакбан а дагахь, - АллахIа хIаллаквийр ву иза ша» (ал-Бухари: 2387).

734. Iайшата (АллахI реза хуьлда цунна) дийцина, ша цкъа хаьттира аьлла: «ХIай, АллахIан элча! Хьенех Шемара бедарш а йохьуш цIавирзина. Ткъа ахьа иза волучу стаг а вахийтина, цуьнгара тIедиллина хьайна ши коч эцча - хьайн таро ма-хилли дIалур ду ахьа и». Цо совдегар волучу стаг вахийтича, иза реза ца хилира (ХIара хьадис далийнарш ал-Хьаким: 2/23, ат-Тирмизи: 1213, ан-Насаи: 7/294, ткъа хьадис дийцинарш а бу шайх теша хьакъ).