731. Ибн Iаббаса (АллахI реза хуьлда цунна а, цуьнан дена а) дийцина: «Пайхамар (АллахIера къинхетам а, маршо а хуьлда цунна) Медна веъначу хенахь, цигара бахархой цхьа шо а, ши шо а хьалха стоьмийн мах дIалуш бара. Пайхамара (АллахIера къинхетам а, маршо а хуьлда цунна) аьлла: «Стоьмаш эца хьалххе мах лучо - билгалбиначу барамна дуьхьал ло, я билгалйиначу узучу йозаллина дуьхьал ло, хIоттийначу хенахь (стоьмаш) схьалур болуш хан къастаяй а ло»» (ХIара хьадис далийнарш ал-Бухари: 2239, Муслим: 1604. Цул сов ал-Бухарин ривайатехь аьлла: «ХIума эца мах хьалххе дIалучо…»).  

723. Iабд ар-Рахьман ибн Абза а, IабдуллахI ибн Абу Авфа а (АллахI реза хуьлда цаьршинна) дийцина: «АллахIан элча (АллахIера къинхетам а, маршо а хуьлда цунна) дийна а волуш, тхан кара механ еза тIеман хIонсаш йогIура. Тхаьш долучу Шемара набатхой баьхкича, оха цаьрга хьалххе мах дIалора кIана а, мекхана а, кишмашна а дуьхьал, хIоттийначу хенахь хилийта цара шайна тIелоцуш хиллачу. Наха хаьттира: «Церан ялта оцале чудерзийна хиларий?». Цаьршимма жоп делира: «Оцуьнах дерг хетта а ца хеттара оха цаьрга» (ХIара хьадис далийнарг ал-Бухари ву: 2254. ХIокху хьадисан цхьана ривайатехь даьтта а ду хьахош).