581. Абу ХIурайрас (АллахI реза хуьлда цунна) дийцина, АллахIан элчано (АллахIера къинхетам а, маршо а хуьлда цунна) элира аьлла: «АллахIах тешна а волуш, Цуьнгара йоле сатесна а волуш рамадан баттахь буса ламазехь лаьттиначунна - цо хьалха летийначу къиношна гечдийр ду» (ал-Бухари: 2009, Муслим: 759).

582. Iайшата (АллахI реза хуьлда цунна) дийцина: «Рамадан беттан тIаьххьара итт де тIедеъча, АллахIан элчано (АллахIера къинхетам а, маршо а хуьлда цунна) чIоггIа шен изар тIекъовлура, буьйсанаш сема йохура, шен цIахь мел верг самавоккхура» (ал-Бухари: 2024, Муслим: 1174).