247. Ас-СаIб ибн Жассам ал-Лайсис (АллахI реза хуьлда цунна) дийцина: «Цкъа Абвехь (я Вадданехь) волучу АллахIан элчанна (АллахIера къинхетам а, маршо а хуьлда цунна), дан а деана, совгIатна акхачу виран жижиг делира аса. Амма АллахIан элчано (АллахIера къинхетам а, маршо а хуьлда цунна) (и жижиг), схьа а ца оьцуш, юхаделира. (Ша и схьацаэцар бахьанехь) сан юьхьа тIехь (халахетар а) хааделла, АллахIан элчано (АллахIера къинхетам а, маршо а хуьлда цунна) элира: «Бакъдолуш, оха хьуна юхацаделла и, тхаьш хьаьж дихкина хиларна а бен» Муслиман хаамехь аьлла: «Виран ког».

Кхечу хаамехь аьлла: «Вирах (цхьа) дакъа».

Муслиман хаамехь аьлла: «Хенан маьIигаш (тIехьара меже)».

(Жайна) хIоттийначо оцу хьадисах хIокху кепара кхета веза аьлла: «Цунна шен дуьхьа лаьцна моьттуш хилла иза. Ткъа дихкина хьаьж долучо яа мегаш дац шен дуьхьа лаьцна хIума» (ал-Бухари: 1825, Муслим: 1193).