ШолгIа дакъа

Шина хутIбан арканаш

Шина хутIбан арканаш пхиъ ю:

1. Шина а хутIбангахь АллахIана хастам бар.

2. Шина а хутIбангахь пайхамарна (АллахIера салават, салам хуьлда цунна) салават диллар.

3. Шина а хутIбангахь АллахIах кхерарца весет дар.

4. Шиннах цхьана хутIбангахь Къуръан чуьра цхьа аят дешар.

5. ТIаьххьарчу хутIбангахь муъма стегаршна а, муъма зударшна а доIа дар.

КхоалгIа дакъа

Шина хутIбан бехкамаш

Шина хутIбан бехкамаш итт бу:

1. Ламаз эцна а, лийчар тIерадаьккхина а хила веза.

2. Духар а, дегI а, меттиг а нажасех дIацlандар.

3. Iаврат дIакъовлар.

4. Ницкъ болучо (хутIба) ирахь дешар.

5. Шина хутIбанна юккъехь охьахаар, ламазехь тем бечу хенал жимма сов соцунгlа а хуьлуш.

6. ТIаьхьа-хьалха хаддаз дешна даккхар.

7. Ши хутIба дешна ма-делли, тIаьххье юккъе хан а ца йолуьйтуш ламаз дIадехкар.

8. ХутIба Iарбийн маттахь хилар.

9. Шовзткъа стаган хезаш хилар.

10. Дерриг хутlба  делкъан ламазан ханчохь дешна далар.