Лараме лоруш йоцу са чохь хlуманаш ялх ю:

1. Ламаз ца деш верг.

2. Зуда ялийна а волуш зина дина стаг а, маре дина а йолуш зина дина зуда а.

3. Динера воьхнарг (муртад).

4. Бусалба нахана тlамаца тlевеана кериста.

5. Леташ, катухуш доул жlаьла.

6. Хьакха.

Тема дар

Тема даран бехкамаш итт бу:

1. Латтан тlехь дар.

2. Латта, цlена хилар.

3. Цкъа лелийна латта ца хилар.

4. Цу лаьттанах ийна дама, я муьлхха а кхин йолу хlума ца хилар.

5. Лаьттан тlе хьуш долу куьг, тема дан дагахь волуш дахьар.

6. Шозза куьйгаш тоьхна, юьхьах а, шина куьйгах а хьакхар.

7. Цкъа хьалха дегlа тlера нажас дlайаккхар.

8. Цулла а хьалха леррина къилба мичхьа агlор ду хьажар.

9. Тема - ламазан хан хиллачул тlаьхьа дар.

10. Хlор парз-ламазна, шен-шена а деш, тема дар.

Тема даран парзаш

Тема даран парзаш пхиъ ду:

1. Латта, меженашна тlедахьар.

2. Нигат дар.

3. Юьхьна т1е хьакхар.

4. Ши гола юкъа а ялош, шина пхьерсанна т1е хьакхар.

5. Юьхьана а, пхьерсашна а т1е куьйгаш хьокхучу хенахь раг1 ларьйар.

Тема дохош дерг

Тема дохош долу бахьанаш кхоъ ду:

1. Муьлхха а ламаз керара доккхучу бахьано а дохадо тема.

2. Динах вохаро (Делах валаро) дохадо.

3. Хи ца хиларна тема диначунна хи хаадаларо.