6-ГlА ДАКЪА 

[ХЬАШТАГlНЕ ВАХАРАН БАКЪОНАШ А, ХЬАШТ КХОЧУН ДАРАН ГlИЛЛАКХАШ] 

Доккхачу а, жимачу а хьаштана цlано яр важиб ду. Цlано, цкъа хьалха тIулгашца а йина, тlаьххье хица яр гlоли лоруш ду. Хица цIано йина, тоам бан а мега, иштта кхаа тIулгаца а, нагахь цаьрца (нажас йиллина) меттиг цIанъеллехь. Ткъа, нагахь цаьршиннах цхьаъ харжа ойла ялахь, тlаккха-м хи гlоли ду.

Ткъа, къилбехьа верзарха а, иштта цунна букъ тоьхна (охьахаарха а ларвала веза,) аренгахь (хьашт кхочуш дийриг).

Иштта хьатl теларха ларвала веза – сецна лаьтташ долу хи чу а, стоьмийн дитташна буха а, (нах лелачу) некъашка а, IиндагIашка а, Iуьргаш чу а.

Жима хьашт а, доккха хьашт а кхочуш дечу хенахь, къамелаш дан йиш яц. Иштта, малхехьа верза а, я баттехьа верза а магош дац.

Аьтту куьйга цlано ян мегаш дац.