Зударийн цIано йоьхна латтаран лаххара барам – де-буьйса ду. Ткъа, лаккхараниг –пхийтта де-буьйса ду. Дукхачу хьолехь лелаш дерг - ялх, я ворхI де-буьйса ду.

Бер динчул тIаьхьа оьхучу цIийн лаххара барам – кIеззиг хан ю (бIерган негIар туху юкъ ю хила тарлуш ю). Ткъа лаккхараниг - кхузткъа де-буьйса ду.  Амма дукхачу хьолехь лелаш дерг - шовзткъа де-буьйса ду.

Зударийн шина цIано йохарна юккъехь цIенабогIучу муьран барамах лаххарниг - пхийтта де-буьйса ду. Ткъа лаккхарчу барамам доза дан а дац. 

(Шерашца аьлча) зударийн цIано йохайолалун лаххара хан, исс шо кхачар ду.

Зударийн пхоралаьттачу хенан лаххара барам - ялх бутт бу. Ткъа лаккхараниг - диъ шо ду. Дукха хьолехь лелаш дерг – исс бут бу.

[ЦIАНО ЙОЬХНАЧУ А, БЕР ДИНЧУЛ ТIАЬХЬА ЦIИЙ ОЬХУЧУ А ЗУДАРШНА ХЬАРАМ ДЕРГ]

ЦIано йохар а, бер динчул тIаьхьа цIий Iийдадалар а бахьанехь бархI хIума хьарам ду:

1. Ламаз дар.

2. Марха кхабар.

3. Къуръан дешар.

4. Къуръанах куьг тохар а, и караиэцар а.

5. Маьждиг чу яхар.

6. ХьаьжцIенна гонаха тIаваф дар.

7. (ЦIано йоьхначу) зудчух кхетар.

8. Голашний, цIонгиний юккъехь долучу дегIах марзо эцар.

Парз лийчар тIехь долчунна хьарам ду пхи хIума:

1. Ламаз дар.

2. ТIаваф дар.

3. Къуръан дешар.

4. Къуръанах куьг тохар а, и караиэцар а.

5. Маьждиг чохь сецар.

Ламаз карахь доцчунна кхо хIума хьарам ду:

1. Ламаз дар.

2. ТIаваф дар.

3. Къуръанах куьг тохар а, и караиэцар а.