Малхбуза-ламаз:

Цуьнан хан дIайолало: муьлхха а хIуманан х1оьттина IиндагI, цуьнан йохаллел сов даьлла, д1ах1оьттича.

Цуьнан хан лаьтта: къастийначун т1етевжича, хIуманан IиндагI, цуьнан шалха барамехь дахдаллалца. Мегаш долучун тIетевжича: малх чубуззалца.

МаьркIаж-ламаз:

Цуьнан хан цхьаъ йу: малх чубузар. (Ткъа, цуьнан хан лаьтта) молла кхайккхала а, ламаз эццала а, Iоврат д1акъовлалла а, къамат далла а,  пхи ракаIат далла а йолчу ханна.

(МаьркIаж-ламазан) хан дIайолу: суьйренан цIийялар къайладаьлча.

Пхьуьйра-ламаз:

Цуьнан хан дIайолало: суьйренан цIийялар къайаладаьлча.

Цуьнан хан лаьтта: къастийначун тIетевжича, буьйсанан кхоалгIа дакъа тIекхаччалца. Мегаш долчу тIетевжича, шолгIа сатасадоллалца.

Iуьйран ламаз:

Цуьнан хан дIайолало: шолгIа сатасадоьлча.

Цуьнан хан лаьтта: къастийначу тIетевжича, Iуьйре цIийяллалца. Мегаш долчу тIетевжича, малх схьакхетталца.