275-гIа дакъа
ШарIо даредина долу (нехан[1]) тайпанаш емалдар хьарам хиларан хьокъехь
Сийлахь-Везачу АллахIа аьлла:
«Гуьнахь доцу муъма стегарий а, муъма зударий а сийсазбеш берш - шайна тIе эладиттанан а, билггалчу къинан а мохь лоцуш бу» («ал-Ахьзаб», 58).
1578. Абу ХIурайрас (АллахI реза хуьлда цунна) дийцина, АллахIан элчано (АллахIера къинхетам а, маршо а хуьлда цунна) элира аьлла: «Адамашкара ши амал цаьргахь долучу керстаналлин (гIиллакхех) ю: тайпа-тукхам емалдар а, веллачунна тIаьхьа тийжар а[2]» (Муслим: 67).
[1] Цуьнан маьIна: нагахь стеган да а, нана а шайн цхьаьнаIар ШарIо къобалдечу низамехь чIагIдина хиллехь - уьш емалбар дихкина ду. Масаллина аьлча: «И хьенех, ма-дарра аьлча, минехан кIант я ваша вац-кхий». ХIунда аьлча иза, цкъа делахь, дена а, нанна а тIехь шеко кхоллар ду, шолгIа делахь - церан сий дайъар а ду.
[2] Вуьшта аьлча: иштта долу гIуллакхаш а, гIиллакхаш а керста нахехь хуьлуш ду я стаг керстаналле вуьгуш ду.
