343-гIа дакъа

Ламаз дечунна хьалхашхула валар хьарам хилар

1758. Абу ал-ЖухIайм IабдуллахI бин ал-Хьарис бин ас-Саммат ал-Ансарис (АллахI реза хуьлда цунна) дийцина, АллахIан элчано (АллахIера къинхетам а, маршо а хуьлда цунна) элира аьлла: «Ламаз деш волучунна хьалхашхула дехьаволуш волучунна ша латориг муха (къа) ду хиъча - цунна хьалхашхула волучул а шен меттехь шовзткъа латтар гIоле хиларах (кхетар) ма вара иза!». (ХIара хьадис) дийциначо аьлла: «Хууш вац со, цо аьлларг, билггал, шовзткъа де дара, шовзткъа бутт бара я шовзткъа шо дара» (Бухари: 510, Муслим: 507).