337-гIа дакъа

Имамана тIаьхьа а хIоьттина ламаз деш волучунна - сужданера а, рукуIера а корта цочул а хьалха хьалаайбар хьарам хиларан хьокъехь

1751. Абу ХIурайрас (АллахI реза хуьлда цунна) дийцина, АллахIан элчано (АллахIера къинхетам а, маршо а хуьлда цунна) элира аьлла: «Шух имамал хьалха шен корта хьалаайбеш верг кхера ца кхоьру-те - АллахIа шен корта виран корта барна, я ша виран куьцехь дIатарварна?!» (Бухари: 691, Муслим: 427).