Дакъа 11: АллахI воцучуьнан дуьхьа урс хьокхучу меттехь АллахIан дуьхьа урс хьакха мегаш дац
АллахIа (Лекха ву И) аьлла:
«Оцу чохь дIа ма хIотта цкъа а: дуьххьара дийнахь дуьйнна АллахIах кхоьруш дина маьждиг хьакъ ду хьо оцу чохь дIахIотта. Нах бу оцу чохь - цIано езаш болу, АллахIана а беза - цIано лелориш» («Товбат»: 108).
Сабит бин ад-Дахьака (АллахI реза хуьлда цунна) дийцина:
Дакъа 10: АллахI воцучуьнан дуьхьа (цIарах) урс хьакхар
АллахIа (Лекха ву И) аьлла:
«Ала: «Боккъалаъ, сан ламаз а, сан гIурба дер а (я Iамал, Iибадат), сан вахар а, сан валар а – Iаламийн Далла АллахIан дуьхьа ду, Шеца нисбала накъостий боцучу. И суна тIедиллина, со муьтIахьчарех (бусалбанех) хьалхарниг а ву»» («ал-АнIам»: 162-163).
Цо аьлла:
«Цундела хьайн Далла ламазаш де, гIурба де» («ал-Ковсар»: 2).
Iелас (АллахI реза хуьлда цунна) дийцина, АллахIан элчано (АллахIера къинхетам а, маршо а хуьлда цунна) диъ хIума дийцира шена аьлла:
Дакъа 9: Диттера, тIулгера, иштта кхечаьргара а доьхучеран а, цаьргара беркат лоьхучеран а хьокъехь дерг
АллахIа (Лекха ву И) аьлла:
«Гинай шуна ал-Лат а, ал-Iузза а, кхин кхоалгIа – Манат а?» («ан-Нажм»: 19-20).
Абу Вакъид ал-Лайсис дийцина:
«Пайхамарца (АллахIера къинхетам а, маршо а хуьлда цунна) цхьаьна Хьунайне дахара тхо. Тхо бусалба дине даьхкина дукха хан яцара. Мушрик-нехан (деланхойн) цхьа дитт дара цигахь, цунна уллохь уьш гуллуш. Цунна тIе шайн герзаш а ухкура цара. «Зат АнватI» олура цуьнах. Оцу диттана тхо тIех довлучу хенахь, оха элира: «ХIай, АллахIан элча, тхуна а ехьа «Зат Анват» – цераниг санна йолу». АллахIан элчано (АллахIера къинхетам а, маршо а хуьлда цунна) жоп делира тхуна: «АллахI Воккха ву! Уьш дерриге дIадахана вон Iадаташ ду. Аса дуй буу сайн са карахь долучуьнах, аша дийхи соьга Бану Исраилаша Мусага деххнарг: «Тхуна вехьа дела, цераниг санна волу». Цо аьлла: «Ма-дарра аьлча, бодане (жехIала) къам ду шу» («ал-АIраф»: 138). Боккъалаъ, шу шайл хьалха хиллачеран Iадаташна тIаьхьа дозур ду»» (Тирмизи, бакъ хьадис ду аьлла цо и).
Дакъа 8: ДоIанех а, хIайкалех а лаьцна дерг
Бухарин а, Муслиман а «Сахьихь» жайнахь ду Абу Башир ал-Ансара (АллахI реза хуьлда цунна) дийцина хьадис. АллахIан элчанца (АллахIера къинхетам а, маршо а хуьлда цунна) мосуьйттазза некъаца цхьаьна нисвелла хилла иза:
«Цкъа, омра а дина, геланча вахийтина пайхамара (АллахIера къинхетам а, маршо а хуьлда цунна): «Эмкалийн вортанаш тIера дерриге тишделлачу зIенарх дина туьтеш дIадаха, хадонза цхьа а туьте ма дита (аьлла)».
Ибн МасIуда (АллахI реза хуьлда цунна) дийцина, АллахIан элчано (АллахIера къинхетам а, маршо а хуьлда цунна) олуш хезна шена аьлла:
«ДоIанаш (юкъахь ширк долу), хIайкалш, молханаш даор - ширк ду» (Ахьмад, Абу Дауд).
Дакъа 7: Балех кIелхьаравала я и ца хилийта, чIуг а, тай а, царех терра пайда боцу хIума а лелор ширк ду
АллахIа (Лекха ву И) аьлла:
«Ала: «Гиний шуна (дийцийша ткъа суна) АллахIан метта аша цаьрга кхойкхуш берш? АллахIна, суна муьлхха а цхьа зен дан лиъча, ткъа Цуьнан зен дIаайдалур дуй цаьрга? Я Цунна соьх къинхетам бан лиъча, ткъа Цуьнан къинхетам сацалур буй цаьрга?». Ала: «АллахI тоьаш ву суна. Оцу цхьанна тIе тевжа тевжарш»» («Аззумар»: 38).
Iимран бин Хьусайна (АллахI реза хуьлда цунна) дийцина:
«Цкъа цхьа стаг гина пайхамарна (АллахIера къинхетам а, маршо а хуьлда цунна), шен куьйгахь можачу цIестан чIуг а йолуш. Цо хаьттина цуьнга: «ХIун ю хIара?». Оцу стага жоп делла: «Пхьарс лазарна лелош ю аса хIара». Пайхамара аьлла: «Хьем боцуш дIаяккха и, муххале а цо алсам доккхур ду хьан пхьарс лазар. Нагахь и чIуг куьйгахь а йолуш хьо лахь, цкъа а декъал хир вац хьо»» (Ахьмад).
Дакъа 6: Тавхьидан а, «дела вац, АллахI бен» бохучу тоьшаллин а тидар
Сийлахь-Везачу АллахIа аьлла:
«Цара шайга кхойкхуш берш (пайхамарш, дика нах, малекаш) - уьш шаьш а бу шаьш шайн Далла герга хин болу некъаш лоьхуш (дика Iамалш ярехь), кхечарал хьалхе яккха а гIерташ. Цуьнан къинхетаме догдохуш бу уьш, Цуьнгарчу Iазапах кхоьруш а бу уьш. Боккъалаъ, хьан Делан Iазап - цуьнах лардала хьакъ долуш ду» («Исраъ»: 57).
Сийлахь-Везачу АллахIа аьлла:
Дакъа 5: «Кхин дела вац, АллахI бен» бохучу тоьшаллина ТIекхайкхар
АллахIа (Лекха ву И) аьлла:
«Ала: «Иштта (я хIара) бу сан некъ. Аса а, суна тIаьхьабозучара а АллахIе кхойкху шеко йоцучу Iилманан буха тIехь. ТIехцIена ву АллахI, со мушрикех а вац» («Юсуф»: 108).
Ибн Iаббаса дийцина, МуIаз (АллахI реза хуьлда цаьршинна) Йемене вохуьйтучу хенахь, АллахIан элчано (АллахIера къинхетам а, маршо а хуьлда цунна) цуьнга элира аьлла:
Дакъа 4: Ширках ларвала а, кхера а везаш хилар
АллахIа (доллучунна Ницкъ кхочуш а, ТIехвоккха а ву И) аьлла:
«Боккъалаъ, АллахIа геч ца до Шеца накъостий нисбарна, диссинчу (я цул а лахарчу) къиношна гечдо Цо - Шена лиъначунна…» («ан-Ниáаъ»: 48).
ИбрахIим пайхамара (АллахIера маршо хуьлда цунна) аьлла:
«Со а, сан кIентий а ларбе Ахьа – цIунашна лолла дарах» («ИбрахIим»: 35).
Дакъа 3: Теша ма-веззара АллахI цхьаъ хиларх тешнарг - ялсамани чу гIур ву, хьесап а доцуш
АллахIа (Лекха ву И) аьлла:
«Боккъалаъ, имам (баьчча) вара ИбрахIим - АллахIана муьтIахь а волуш, Дела цхьаъ а веш. Мушрикех а вацара иза» («Нахьл»: 120).
АллахIа (Лекха ву И) аьлла:
«Шайн Делаца нисбина накостий ца лоцуш берш а» («ал-Муъминун»: 59).
Хьусайн бин Iабдуррахьмана дийцина:
Дакъа 2: Тавхьидан дозалла а, муьлхачу къинойх цо дIацIанво а
Сийлахь-Везачу АллахIа аьлла:
«Делах а тешна, шайн тешар зуламах (ширках) иэ ца динарш - кхерамазаллехь бу уьш, нийсачу новкъа тIе нисбелларш а бу уьш» («ал-АнIам»: 82).
Iубáдат бин ас-Сáмита (АллахI реза хуьлда цунна) аьлла, АллахIан элчано (АллахIера къинхетам а, маршо а хуьлда цунна) элира аьлла:
«Тоьшалла динарг: АллахI бен кхин Дела цахилар - Ша цхьаъ волу, Шеца цхьа а накъост а воцуш, Мухьаммад хилар а - Цуьнан лай а, элча а, Iиса хилар а - АллахIан лай а, Цуьнан элча а, Цуьнан дош а, Мареме кхачийна долу, Цуьнгарчу син да а, ялсамани бакъ хилар а, жоьжагIати бакъ хилар а, ткъа иза - ялсаманечу вохуьйтур ву АллахIа, цуьнан Iамалшка хьаьжжина» (Бухари, Муслим).
Iитбанан хьадисехь боху:
«…ХIунда аьлча, боккъалаъ, АллахIа жоьжагIатах хьалха воккху, ша аьлла верг: «Дела вац, АллахI бен», цуьнца АллахIан юьхь (реза ян) а гIерташ» (Бухари, Муслим).
Страница 7 из 8
